Алматы ПД полицейлердің әрекетіне қатысты видеоға түсінік берді
Әлеуметтік желіде Алматыда белгісіз екі адамның қоршаудан секіріп, жеке үйге басып кіргені түсірілген видео тарады. Полицейлер оқиғаға қатысты пікір білдірді, - деп хабарлайды Alashainasy.kz тілшісі Tengrinews.kz-ке сілтеме жасап.
Жазба авторы "үйіне белгісіз біреулер кіріп, өзін, ағасын және кәмелетке толмаған қарындасын соққының астына алғанын" жазған.
Алматы ПД баспасөз қызметі мәліметінше, Әуезов ауданының полиция қызметкерлері алдын ала сөз байласу арқылы бір топ адам жасаған бөтеннің мүлкін ұрлау дерегін анықтап жатыр.
Іс-шара барысында қызметкерлер полициядан жасырынып жүрген 2005 жылы туған жігітті анықтады.
"Жедел-іздестіру іс-шарасы барысында қаскүнемнің жасырынған тұрғын үйі анықталды. Ол ұсталды. Сотталушы өз кінәсін толық мойындады", - деді полицейлер.
Ведомство мәліметінше, қылмыстық іс Қылмыстық кодекстің 188-бабы "Ұрлық" бойынша тергеліп жатыр. Ұрланған мүлік тәркіленген.
"Қазір күдіктінің басқа да ықтимал қылмыстық эпизодтарға қатысы бар-жоғы тексеріліп жатыр. Сонымен қатар, күдіктіні және оның туыстары соққыға жығылғаны туралы ақпарат шындыққа жанаспайтынын хабарлаймыз. ПБ-ға жеткізілгеннен кейін күдіктіге М. медициналық тексеруден өтті, онда дене жарақаты анықталған жоқ", - деді полиция өкілдері.
Соңғы сағатта көп оқылған жаңалықтар осында Massaget.kz
