Қазақтың батырлары болып киінген жігіттер Лондон жұртшылығын таңқалдырды
Лондон қаласының тұрғындары жауынгерлер киімін киіп, қару-саймандарын асынған қазақ жігіттеріне таңқалды, деп хабарлайды Stan.kz ақпарат агенттігі inform.kz сайтына сілтеме жасап.
Сурет: inform.kz сайтынан
Лондонның танымал Трафальгар алаңында қалың жұрттышылық қазақтың батырлары болып киінген жігіттердің айналысына жиналып, олармен бірге жаппай сурет пен видеоға түскен болатын. Кейіннен батырлар Елизавета ІІ-ші ханшайымның қаладағы ресми резиденциясына бет алды.
Букингем сарайының алдына келген туристер алаңда бойы 2 метрден асатын батырларды көреміз деп мүлдем ойламапты. Олар мұндай тарихи сәттің қайталана бермейтіндігін айтып, шеттерінен батырлармен суретке түсуге асықты.
Думан, Елуар, Олжас және Бектөре есімді қазақстандық жігіттер «Орда» этно-жобасы аясында екі жылдан бері халқымыздың ұлттық киімдері мен салт-дәтүрлерін бүкіл әлемде насихаттап жүргендіктерін жеткізді. Қатысушылардың бірі Ұлыбританияға келудегі басты мақсат қазақ халқын әлемге паш ету екендігін айттты.
