14 Қыркүйек
Қыркүйектің 14-і
Алаштың атаулы күні
1894 жылы Алаш қайраткері, фольклоршы, аудармашы Ахмет Баржақсин дүниеге келді.
91 жыл бұрын (1920) Қазақстан тарихында бірінші рет әділет халық комиссары болып Ғұбайдолла Әлібеков тағайындалды. Ол басшылық жасаған тұста қалың малды тоқтату, барымта туралы және т.б. декреттердің ең алғашқы жобалары жасалды.
8 жыл бұрын (2003) Қазақстан Республикасы Президенті Нұрсұлтан Назарбаев Атырау облысының Махамбет ауданына сапары барысында жаңа мешіттің және Махамбет Өтемісұлы атындағы аймақтық-тарихи мұражайдың ашылу салтанатына қатысты.
Туған күн иелері
Ораз Баймұратов (1935) – Қаржы-банкі менеджменті ғылыми-зерттеу институтының директоры, экономика ғылымының докторы, профессор, академик;
Ғабдығаппар Сейітқасымов (1940) – экономика ғылымының докторы, профессор, академик;
Байтұрсын Өмірбеков (1946) – Қазақстан Суретшілер одағының басқарма төрағасы, суретші, Қазақстанның еңбек сіңірген өнер қайраткері, профессор;
Александр Кравченко (1948) – ҚР Жоғарғы сотының судьясы;
Серікбек Жанболат (1964) – «Алаш айнасы» газетінің бас редакторы, белгілі журналист, ҚР Мәдениет қайраткері;
Дмитрий Медведев (1965) – Ресей Федерациясының президенті;
Уәлихан Ахметов (1972) – Алматы мемлекеттік дәрігерлер білімін жетілдіру институтының ректоры, медицина ғылымының докторы.
Мерейлі күндеріңіз мерекеге ұласып, мәртебелеріңіз арта берсін!
«Алаш айнасы»
Белгілі есімнің белгісіз сыры
ҒАБДЫҒАППАР – арабтың «Әбді» (бұл сөз екі түрлі мағынаға ие: 1. Мәңгі, шексіз; 2. Қызметші, Жаратқанның құлы) және «Ғаппар» (кешірімді, мейірімді) сөздерінің бірігуінен құралған ныспы. Жаңа туған сәбиге «қайырымды, жүрегі жұмсақ, жаратқанның адал құлы болсын» деген ниетпен ырымдап қоятын болған. Бұл есім қазақ арасында көбіне «Әбдіғаппар» деп айтылады. Ел ішінде сирек кездесетін есім.
