Павлодарлық жігіт әйелі мен көршісін пышақтап тастаған
Павлодарда ер адам әйелі мен көршісінің көңілдес екенін біліп, қызғаныштан екеуін пышақтап тастаған. Шулы оқиға Павлодардағы пәтерлердің бірінде болған, - деп хабарлайды Alashainasy.kz. Бұл туралы Сaravan.kz тілшісі №2 қалалық сотқа сілтеме жасап жазды.
Белгілі болғандай оның азаматтық некедегі әйелі мен көршісі үйде ішімдік іше бастаған. Оқиға сондай-ақ 2022 жылдың желтоқсан айында болғаны анықталды.
Осы отырыста ер адамның өзі де болған. Ішімдік ішкен соң ол ұйқыға кеткен. Ал оянған соң, әйелі мен көршісінің жерде жатқанын көрген. Бұған қоса әйелінің жартылай жалаңаш күйде жатқаны белгілі болды. Ер адам мұны көтере алмаған.
«Ол екеуін бөкселерінен пышақтап тастап, оларды ауыр жаралаған", - дейді қалалық соттың баспасөз қызметі.
Зардап шеккендер ауруханаға жатқызылып, күдікті қамауға алынған. Сот үкімімен ер адам бүгінде 6 жылға бас бостандығынан айырылған.
