Нұр-Сұлтан қаласындағы банктердің бірінде жұмыс істейтін жас жігіт 19 адамға заңсыз кредит рәсімдеген. Полиция қылмыстық іс қозғады, деп хабарлайды polisia.kz.
Құқық қорғау органдарына бірінші болып Қарағанды қаласының тұрғыны арызданды. Белгісіз біреу 50 жастағы әйелдің мойнына 2 миллион 100 мың теңгенің кредитін іліп кеткен. Тергеушілер несиенің астанадағы банктердің бірінде рәсімделгенін анықтады. Содан тәртіп сақшылары жәбірленушінің жеке мәліметтерін алуға мүмкіндігі бар адамды іздестіруге кіріскен.
"20 сәуірде шұғыл іздестіру шаралары барысында криминалды полиция қызметкерлері 19 жастағы қала тұрғынын құрықтады. Ол заңсыз кредит рәсімделген қаржы ұйымының менеджері болып шықты", - дейді полицейлер.
Сотқа дейінгі тергеу аясында жігіттің тағы тура сондай 18 қылмыс жасағаны анықталды. Олардың барлығы – басқа өңірлердің тұрғындары. Қазіргі кезде залалдың сомасы есептеліп жатыр.
Қылмыстық кодекстің 190-бабы (Алаяқтық) тергеу шаралары басталды. Алаяқ үш жылдан жеті жылға дейінгі мерзiмге бас бостандығын шектеуге не сол мерзiмге бас бостандығынан айыруға жазалануы мүмкін. Мүлкі тәркіленеді.
Нұр-Сұлтанда банк қызметкері 19 адамға заңсыз кредит рәсімдеген
Читайте также
Астанада бір оқушы сыныптасын қалам сұғып өлтірді
Қызылорда облысында көңілдесін өлтірген экс-полицей сотталды
Көкшетауда 22 жасар қыз жыныстық құлдыққа сатылды
Ақмола облысында жұмысшылардың қазасына қатысты қылмыстық іс қозғалды
Каннибал Николай Жұмағалиев жабық типтегі емдеу мекемесінде қала береді
Елімізде «егіз көліктер» пайда бола бастады
Последние статьи автора