Гүл дүкенін тонау: Полиция департаменті экс-қызметкеріне қатысты тергеу бастады
ІІМ Шымкенттегі гүл дүкеніндегі жағдайдан кейін полиция департаменті қызметкерлеріне қатысты тергеуді бастады, - деп хабарлайды Alashainasy.kz тілшісі Zakon.kz-ке сілтеме жасап.
Өзіндік қауіпсіздік департаменті бұрынғы учаскелік инспектор Мұхтар Бековтің Romantic гүл салоны мен Eldorado ресто-барының жұмысшыларына қатысты жасаған заңсыз әрекеттеріне байланысты бұқаралық ақпарат құралдарында таралған мәліметтерді тексерді.
Бековке қатысты Қазақстан Республикасы Қылмыстық кодексінің 191-бабының 2-бөлігі "Тонау" бойынша сотқа дейінгі тергеу басталды.
"Шымкент полиция департаменті қызметкерлерінің іс-әрекеттерінің заңдылығын Қазақстан Республикасы Қылмыстық кодексінің 371-бабының 1-бөлігі "Салғырттық" бойынша басталған сотқа дейінгі тергеп-тексеру барысында өзіндік қауіпсіздік бөлімшесі тексереді. Ведомство екі қылмыстық іс бойынша жүргізіліп жатқан тергеудің объективтілігі мен жан-жақтылығын қамтамасыз етеді" – деп мәлімдеді Ішкі істер министрлігі.
Еске салайық, бұған дейін әлеуметтік желіде Romantic гүл дүкенінде болған екі оқиға үлкен қоғамдық резонанс тудырды. Полиция бұл оқиғаларға қатысты түсінік берді.
Соңғы сағатта көп оқылған жаңалықтар осында Massaget.kz
