Жұмыстан қысқарту қалай жүргізіледі?

Біз шағын ауылдағы төрт жылдық мектепте үш мұғалім қызмет атқарамыз. Биыл біздің мектептен бір мұғалім жұмыстан қысқартылуы керек екен. Осыған орай «еңбек өтілің аз» деп мені қысқартпақшы. Қысқарту кезінде тек еңбек өтілінің ғана ескерілуі заңды ма?
Тамара ӨМІРӘЛИЕВА, Қызылорда облысы
Қазақстан Республикасының Еңбек кодексінің 185-бабына сәйкес, қызмет­кер­лер санын не штатын қысқарту бо­йын­ша еңбек шартын жүкті әйелдер­мен, үш жасқа дейінгі балалары бар әйел­дермен, 14 жасқа дейінгі ба­ланы (18 жасқа дейінгі мүгедек ба­ланы) тәр­бие­леп отырған жал­ғыз­басты аналар­мен, аталған балалар са­натын анасыз тәр­биелеп отырған өз­ге де тұлғалармен бұзуға тыйым салы­на­ды. Аталған баптың 2-тармағына сәй­кес, егер әйел еңбек шартының мер­зімі аяқталған күні мерзімі 12 ап­та және одан көп апта жүктілігі тура­лы медициналық қорытынды ұсын­са, ж­ұмыс беруші оның жазбаша өтініші бо­­йынша еңбек шартының мерзімін ба­ла үш жасқа толғанға дейін, оның күті­мі­не байланысты демалыс аяқталған күнге де­йін ұзартуға міндетті.