Жұмыстан қысқарған адамға өтемақы төленеді

Жұмысынан айырылған (қысқартуға түскен) адамға жұмыс тарапынан  тиісінше ақшалай төлем жасала ма?
Мейрамхан ОСПАНОВ
Сіздің сұрағыңызға Еңбек және халықты әлеуметтік қорғау министрлігі Еңбекті нормалау және еңбекке ақы төлеу басқармасының сарап­шысы Айсаным Юсупова жауап береді:
– Қазақстан Республикасы Еңбек кодексінің 157-бабына сәйкес, жұмыс берушi мына­дай жағдайларда: жұмыс бе­ру­шi – заңды тұлға таратылған не жұмыс берушi – жеке тұлға қызметiн тоқтатқан жағдайда жұмыс берушiнiң бастамасы бойынша еңбек шарты бұзылғанда; қызметкерлердiң саны немесе штаты қысқарған жағдайда жұмыс берушiнiң бастамасы бойынша еңбек шарты бұзылғанда қызмет­керге жұмысынан айырылуы­на байланысты айына айлық орташа жалақысы мөлшерiнде өтемақы төлемi жүргiзіледi. Аталған өтемақы қызметкерге оның кезекті еңбек демалысын пайдаланғанына және мате­риалдық көмек алғанына қа­ра­мастан төленеді. Орташа жалақыны есептеудің бірың­ғай тәртібі «Орташа жалақыны есептеудің бірыңғай ережесін бекіту туралы» Қазақстан Республикасы Үкіметінің 2007 жылғы 29 желтоқсандағы №1394 қаулысымен айқын­дала­ды.