Жұмыс күні қалай белгіленеді?

Әдетте жұмыс уақытын 8 сағатпен өлшейді. Бірақ кейбір мамандық иелері күні-түні жұмыс істей береді. Ал арнайы заңнамаларда жұмыс ұзақтығының мәселесі қалай бекітілген?
Арсен ТОҚТАРҰЛЫ, Ақтөбе қаласы

Күнделікті жұмыстың ұзақтығы, негі­зі­нен, төмендегідей ереже бойынша бел­гіленеді:
1. Бес күндік жұмыс аптасы кезін­де күнделікті жұмыстың (жұмыс ауы­сы­мының) ұзақтығы апталық норма 40 сағат болғанда — 8 сағаттан, апталық норма 36 сағат болғанда — 7 сағат 12 минуттан және апталық норма 24 сағат болғанда, 5 сағаттан аспауға тиіс.
2. Алты күндік жұмыс аптасы ке­зінде күнделікті жұмыстың (жұмыс ауысымының) ұзақтығы апталық норма 40 сағат болғанда — 7 сағаттан, апталық норма 36 сағат болғанда — 6 сағаттан және апталық норма 24 сағат болғанда, 4 сағаттан аспауға тиіс.
3. Күнделікті жұмыстың (жұмыс ауы­сымының) ұзақтығы, күнделікті жұ­мыс­тың (жұмыс ауысымының) басталу және аяқталу уақыты, жұмыстағы үзілістер уақыты жұмыс аптасының белгіленген ұзақтығы сақтала отырып, ұйымның еңбек тәртіптемесі ережелерімен, ең­бек шартымен, ұжымдық шартпен бел­гі­ленеді.
4. Өнер және мәдени демалыс кә­сіп­тік ұйымдарының шығармашылық қыз­меткерлері, бұқаралық ақпарат құ­ралдарының қызмет­кер­лері, спорт­шы­лар, жаттықтырушылар үшін Қазақстан Рес­публикасының еңбек заңнамасына, жұ­мыс берушінің актілеріне, ұжымдық шарт­қа немесе еңбек шартына сәй­кес, күнделікті жұмыстың (жұмыс ауы­сы­­мының) өзгеше ұзақтығы белгіленуі мүм­­кін.
Ал жалдамалы арзан жұмыс қолын пайдаланатын жекелеген кейбір жұ­мыс берушілер өзара келісіп,  жұмыс уақытын қалағанынша белгілей береді. Алайда жалпы еңбек шартын бұзғандар белгіленген тәртіп бойынша әкімшілік-құқықтық жазаға тартылады.