«Жетісу» телеарнасы ертегі кітап басып шығарды» деп естідім. Оған қандай ертегілер енген? Ол кітапты қайдан алуға болады?
Серік ӘМІРОВ, Талдықорған
Телеарнаның кішкентай балаларға арналған «Балауса» хабары екі жыл бойы жарыққа шықты. Хабарды Жұмабала Балақаранова есімді қарт ұстаз жүргізді. Екі жылдық хабар барысында әр жылдарда жарық көрген ертегілер сұрыпталып, сәбилердің ұғымына сай ықшамдалып берілген болатын. Хабар барысында эфирден айтылған сол ертегілердің басын жинақтап, кітап етіп басып шығаруды дұрыс деп тапқан телеарна ұжымының ұсынысы облыс басшылығы тарапынан қолдау тауып, биылғы жылы «Ан-Арыс» баспасынан жарық көрді. «Мәдени мұра» бағдарламасының аясында «Жұмабала апаның ертегілері» деген атпен шыққан кітаптағы халық ертегілері баланың жадында жақсы сақталуы үшін соңы халықтың нақыл сөздерімен түйінделіп берілген. Кітапқа шамамен 250-ден астам ертегі топтастырылған.
Бұл жинақ Алматы облысының барлық кітапханаларына, мектептерге таратылды. Өз хабарларын кітап ретінде тасқа басу ісіндегі «Жетісудың» бастамасы жалғасын табуы мүмкін.
«Жұмабала апаның ертегілері» жарық көрді
Последние статьи автора