Зияткерлік мектептердің өзгешелігі қандай?

Бүгінгі таңда еліміздің аймақтарында Назарбаев зияткерлік мектептері ашылуда. Осы орайда менің білгім келгені, қазіргі кезде қанша зияткерлік мектебі ашылды? Жалпы, осы мектептердің қандай ерекшеліктері бар және олар білім саласына не береді?
Майра АРҒЫНБЕКОВА, Оңтүстік Қазақстан облысы
Білім беруді дамытудың 2011-2020 жылдарға арналған мемлекеттік бағдарламасын іске асырудың ал­ғаш­қы жылының қорытындылары және осы жылға арналған міндеттері жайлы ҚР Білім және ғылым министр­лігінің кеңейтілген алқа отырысында сөй­леген сөзінде Б.Жұмағұлов: «Елба­сының тапсырмасымен алты Назар­баев зияткерлік мектебі құры­лып, жұмыс істеуде. 2015 жылдың со­ңына дейін тағы да 15-ін салу жос­пар­ла­ну­да, оның 12-сінің құрылысы жүр­­­гі­зі­лу­де.
Бұл мәселеге біз ерекше көңіл бө­леміз, себебі мұндай мектептер бар­лық орта оқу орны жүйесін да­мы­тудың қозғаушы күші болып табы­лады.
Елбасы Жолдауда Қазақстанның бар­лық білім беру жүйесінің Назар­баев университеті мен зияткерлік мек­тептердің деңгейіне жетуі қа­жет­тігін ерекше атап өтті. Аталған мек­теп­тер­де еліміздің таңдаулы мұғалімдері жиналған. Олар шетелдік ең үздік тәжірибелерді белсенді меңгеруде және оған жеткілікті қаражат бөлінуде.
Бұл әлеуетті тиімді пайдалану бар­ша орта білім беру жүйесін дамыту мүддесі үшін ең маңызды міндеттердің бірі болмақ. Мұнда көптеген әлеуетті қосымша бар, олар – басқа мек­теп­тердің мұғалімдерімен семинарлар, конфе­рен­циялар, дөңгелек үстелдер, тәжі­ри­бе алмасу, жергілікті жерлерде мас­тер-кластар жүргізу және тағы бас­қалар», – деген болатын.