Жетіруовтың жаңа жетістігі қандай?

Белгілі режиссер Жаңабек Жетіруов Римде өткен кинофестивальда бас жүлдені жеңіп алған екен. Режиссерге бұл жүлде қандай туындысы үшін берілген?
Тұрсын БЕКДІЛДӘ, Қызылорда облысы
Үстіміздегі жылдың 6-14 қазан күн­дері Италияның Рим қа­ласында ХІІ Азия елдерінің халық­аралық Рим кинофести­валінде режиссер Жәнібек Жетіруов «Аққыз» фильмінің танысты­рылымын жасаған болатын. Бұған қоса ол байқау аясында Азияның үздік төрт деректі фильм режиссерлерінің бірі ретінде қысқаметражды фильм түсіру сайысына қатысты.
Арнайы сынақта Ж.Жетіруов «Джу­ль­ет­та және артист» деген тақырыпта сце­нарий жазып, оны 10 минуттық қыс­қа көркем фильм ретінде жасап шық­қан. Қазылар алқасының шешімімен атал­ған шағын туынды бас жүлдеге лайық деп танылған. Енді талантты ре­жиссер өзінің «Аққыз» фильмімен 10-17 қараша күн­дері Үндістанның Каль­кутта қаласында өтетін XVIII Халық­ара­лық кинофести­вальға қатыспақ. Отан­дық прокатқа кеңі­нен тарай қоймаса да, «Аққыз» карти­насын шетелдік кө­рер­мендер мен кино­мамандар жақсы бағалап отыр.