Зерттеу университеті нені зерттейді?

Еліміздегі бірқатар жоғары оқу орындары кезең-кезеңімен зерттеу университеттеріне айналады дегенді естіп жүрмін. Жалпы, зерттеу университетінің басқа оқу орнынан артықшылығы неде?
Зият, Қарағанды қаласы
Зерттеу университеті еліміздің Үкіметі бекіткен университетті да­мыту бағдарламасын іске асы­ратын әрі іргелі және қол­дан­ба­лы ғылыми зерттеулерді, өзге де ғылыми-техникалық, тәжірибелік-конструк­тор­лық жұмыстарды ұйым­дас­ты­ру­ға және жүргізуге қатысатын жо­ға­ры оқу орны болып табылады. Жо­ғары және жоғары оқу орнынан кейінгі білім берудің барлық дең­гейінде ғылыми қызмет пен білім беру үдерісін ұштастыру зерттеу уни­верситетінің негізгі міндеті са­на­лады. Зерттеу университеті жо­ғары және жоғары оқу орнынан кейінгі білім берудің білім беру бағдарламаларының стан­дарт­та­рын өз бетінше әзірлейді және іске асырады. Білім беру бағ­дар­лама­ла­рын іске асыру шарттарына және меңгеру нәтижелеріне қойы­латын талаптар жоғары және жо­ға­ры оқу орнынан кейінгі білім бе­ру­дің мем­ле­кеттік стан­дарт­тар­мен бел­гі­ленетін тиісті бағ­дар­ла­ма­ла­рынан тө­мен бола алмайды. Зерт­теу уни­верситеті жоғары және жо­ғары оқу орнынан кейінгі білім бе­ру бағ­дар­ла­малары бойынша оқуға қабыл­дау кезінде бейiндiк бағыттың қо­сым­ша талаптарын белгiлеуге құ­қылы. Мұндай оқу орындарының өзге білім ордаларынан артық­шы­лы­ғы – ғылыммен нақты өздері ай­на­­лыса алатындығында.