Жер сілкінісіне қатысты ұғымдардың мәнін білейін деп едім

«Сейсмикалық толқын», «сейсмикалық энергия», «сейсмикалық белдеу» ұғымдарының анықтамасын білгім келеді. Бұлар нені білдіреді?
Сағынғали Әлімқұлов, Алматы облысы
Сейсмологтердің мәліметінше, сейсмикалық толқын деп жер сілкі­ні­сі әсерінен туатын серпінді толқын­ды, жарылысты немесе соққыны ай­тады. Оның көлемді және жердің үстің­гі қабатында ғана білінетін сол­ғын түрі болады. Көлемді сейсми­ка­лық толқын жерді бойлай немесе көл­денеңінен соғуы мүмкін. Жерді тере­ңінен бойлай соғатын толқын бас­тапқы әрі жылдам дүмпу саналса, ма­ман­дардың айтуын­ша, көлденеңі­нен соғатын толқын алғаш­қы дүмпу­ден кейін болады. Тер­беліс кезінде сейс­микалық толқынды туғызатын энер­гияның бір бөлігі сейсмикалық энер­гия делінеді. Ал сейсмикалық бел­­деулер дегеніміз –  жер сілкінісі ошақ­тары шоғырланған ғаламдық ау­мақ­тар. Жер шарында үш негізгі сейс­ми­калық белдеу бар: Тынық мұхи­ты, Жер­ор­та – Азия және Моңғол – Байкал.