Жер шарына қазіргіден 200 мың есе көп халық сыяды екен

Жер шарының халқы биыл 7 миллиардқа жетті. Болашақта 10-15 миллиардтан асып жығылмақ. Қауырт демографиялық өсімге байланысты алаңдайтындар бар. Осы Жерге сонша адам сыймай ма, қанша адам сыяды?
Гүлназ АҚБАЕВА, Алматы
Рас, әлемдегі адам саны өсіп келеді. Дегенмен азық-түлік, жер, су жетпейді деп бұған алаңдаудың жөні жоқ сияқты. 60-жылдардың ортасында ағылшын физигі Джон Фрэмлин жасаған арнайы есеп бойынша Жерге кем дегенде 60 квадриллион адам сыяды екен, бұл ба­қандай 16 нөлден тұратын цифр екенін еске салып қояйық. Сондай-ақ 2005 жылы атақты румын физигі Виорел Бадес­кудің жаңадан жасаған есебіне сүйен­сек, Жерге 1,3 квадриллион адам сыяды, бұл дегеніңіз – қазір­гі­ден 200 мың есе көп сан. Яғни Жер шары­на адам баласы толық жай­ғасып үлгер­меген. «Тіпті саны ең көп халық тұратын Қытайдың өзін­де адам аяғы жетпеген ай­мақтар бар» деген қоры­тынды жасайды Виорел Бадеску.