Жеңіс күніне орай бір рет берілетін жәрдемақы төлеу туралы

Ұлы Отан соғысының ардагері, тылда жұмыс атқарған азамат Жеңіс күніне орай бір рет берілетін жәрдемақы төленгеннен кейін қайтыс болса, онда оның отбасы жәрдемақыны мекеме есепшотына қайтаруға тиіс пе?
Теміртай ЕСПЕНБЕТОВ, Алматы облысы
Сарапшы мамандардың мәліметінше, Қазақ­стан Республикасы Үкіметінің 2010 жылғы 3 сәуірдегі қаулысымен бекі­тілген облыстық бюд­жеттерге, Астана және Алматы қала­ларының бюджеттеріне Ұлы Отан соғысындағы Жеңістің 65 жылдығына орай жол жүруді қамтамасыз етуге және бір­жолғы материалдық көмек төлеу­ге берілетін ағымдағы нысаналы трансферттерді пайдалану ережесінің 6-тарма­ғына сәйкес облыстардың, Астана және Алматы қалалары­ның әкімдері Зейнетақы төлеу жөніндегі мемлекеттік орта­лығы және Қарулы Күштер органдары ұсынған тізімдерді ескере отырып, бір­жолғы материалдық көмекті алушы­лардың тізім­дерін қалыптастырады. Сонан кейін қалып­тастырылған тізімдердің негізінде әрбір алушы­ның жеке шоттарына аудару жолымен оларға біржолғы материалдық көмек төлеуді жүзеге асырады. Бұл ретте, Ұлы Отан соғы­сындағы Жеңіс­тің 65 жылдығына орай біржолғы мате­риал­дық көмек алушы жеке есепшотына қара­жатты аудар­ғанға дейін қайтыс болса, оған бір­жолғы материалдық көмек тө­лем­дері жүргізіл­мейді. Ал егер де біржолғы мате­риалдық көмек алушы әлеу­меттік төлемді жеке есепшотына аудар­ғаннан кейін қайтыс болған жағдайда, Қазақстан Республикасы Азамат­тық кодексіне сәйкес мұраның ашылу күнiнен бастап алты ай iшiнде мұра қабылдаған мұрагерге біржолғы материал­дық көмек мұрагерлікпен беріледі.