Жеңіс күні туған спортшылар

Мен 1986 жылы Жеңіс күні дүниеге келгенмін. Дегенмен әке-шешемнің маған азан шақырып қойған есімі – Марлен. Себебін сұрағанымда, перзентханада Жеңіс есімді шақалақ көп болып, мені өзгеше атағылары келгенін айтты. Менің білгім келетіні, отандық спортта Жеңіс күні туылған спортшылар бар ма? Олардың есімдері кім екен?  
Марлен С., Алматы облысы
Жеңіс күні дүниеге келіп, Жеңіс емес, өз­ге есімді иеленген спортшыларымыз сіз ға­на емес. Мәселен, орыс ұлтында да По­бе­да есімі жиі кездескенімен, бүгінде «Ор­да­басы» футбол клубында Вадим Кос­ты­лев есім­ді футболшы бар. 1995 жылдың 9 ма­мырында дүниеге келген. Ал былтыр «Тараз» фут­бол клубында жасындай жарқылдап, бү­гін­де «Лашын» командасы­ның белді ойын­­шысына айналған тағы бір саңлағымыз Әлім­баев­тың есімі – Ғалым­жан. 1989 жыл­дың 9 мамырында дүниеге келіпті. Сондай-ақ әлем чемпионы, екі рет Олимпиада ойын­­дарында ойқастаған бір боксшы­мыз­дың да есімі Жеңіс емес. 1978 жылдың 9 ма­мырында дүниеге келген бұл саңла­ғы­мыздың есімі – Галиб Жафаров.