Жеңіс көрмесінде – батырлар шеруі

Елімізде әрбір мереке қарсаңында мәдени шаралардың өтіп тұратынын білеміз. Оның ішінде майдангерлерімізді ұлықтайтын мейрам да атаусыз қалмайды. Биылғы жылы Елорда Жеңіс күніне орай қандай шаралар атқарылмақ?
Нұргелді МАНАП, Астана қаласы
Биыл Ұлы Отан соғысының аяқталғанына 68 жыл толып отыр. Бұл мерейлі дата болмаса да бірқатар шаралардың атқа­рылатыны айқын. Мере­келік ша­ралар нақтыланғанда уақ­тылы хабардар етіп тұратын бо­ламыз. Қазірге айтарымыз, Аста­на қаласындағы Қазіргі за­ман өнері мұражайында «Олар Отан үшін от кешті» та­қы­ры­бында көрме ашылды.
Көрмеге 72 өнер туындысы қо­йылды. Оның ішінде Василий Ти­мофеевтің «Рейхстагқа ту тік­кен батыр – Рақымжан Қош­қарбаев», «Маршал Коневтің портреті» және Иван Пензовтың «Кеңес Одағының Батыры, генерал-полковник Родимцев» атты портреті, Николай Гаевтың «Кеңес Одағының Батырлары – комсомолшылар» сериясы бо­йынша  «Нүркен  Әбдіров», Аман­жол Мүсәлімовтің  «Пар­ти­зан» («Қасым») еңбектері қо­йылған. Мүсіндік портреттерде «Кеңес Одағының Батырлары, ұшқыш Н.А. Бокий», КСРО Ха­лық суретшісі Лев  Кербельдің, «Мар­шал Конев», Ресейдің ең­бек сіңірген суретшілері Иван Першудчев пен Юрий Неро­да­ның «Сібір партизаны», «Әлия» және «Мәншүк» туындылары бар. Бұның сыртында еліміздің атақты суретшілері мен мүсін­шілерінің көптеген жұмыстарын көруге  болады.