Зейнетке шыққан соң да жұмыс істей беруге бола ма?

Мен 37 жыл мектепте мұғалім болып жұмыс істедім. Өткен жылы ғана жасым жетіп, зейнет демалысына шықтым. Зейнетке шықсам да жұмысымды жалғастырып келемін. Бірақ мектеп директоры «күзде жұмыстан босатамын» дейді. Бұл қаншалықты заңды? Менің білгім келгені, зейнет жасынан соң адам жұмыс жасауға құқылы ма? Неше жыл жұмыс істеу­ге болады?
Хадиша, Оңтүстік Қазақстан облысы
ҚР Еңбек және халықты әлеу­меттік қорғау министрлігі маман­дарының айтуынша, 2007 жылы 15 мамырда енгізілген Еңбек ко­дек­сінің 24-бабына сәйкес, зей­нет­керлік жас­қа жеткен қыз­мет­кер­лермен ең­бек келісімшарты тоқта­тылады. Ал егер мекеме бас­шысы ол қыз­мет­керді кәсіби талабы жо­ғары деп санаса, оны бір жыл мерзімге жұмыс орнында қалдыра алады. Яғни зейнеткерлікке шық­қаннан кейін бір жылға қалдыру-қалдыр­мауы сол меке­менің басшысына байланысты екен.