Жас мамандарға еңбек демалысы қанша күнге беріледі?

Мемлекеттік мекемеде жас мамандарға алғашқы еңбек демалы­сы қанша күнге беріледі?
Әлия БЕРДІБЕК, Қарағанды
Қазақстан Республикасы Еңбек ко­дексінің 101-бабына сәй­кес, егер қыз­меткерлердiң жекеле­ген санат­тары үшiн басқа норматив­тi-құқық­тық актiлерде, еңбек шар­тында, ұжым­дық шартта және жұ­мыс беру­шi­нiң актiлерiнде көп күн саны көз­дел­­месе, қызметкер­лер­ге ұзақтығы күн­тiз­белiк 24 күн бо­латын жыл са­йын­ғы негiзгi ақы­лы еңбек дема­лы­сы берiле­дi. Мәселен, Қа­зақстан Республика­сы­ның «Білім туралы» Заңы­ның 53-бабы бойынша жалпы орта, тех­­никалық және кәсiптiк, орта бi­лiм­­нен кейiнгi жоғары және жо­ғары оқу орнынан кейiнгi бiлiм бе­ру ұйым­дарының педагог қыз­­мет­керлерi мен оларға те­ңес­тi­рiлген адамдар үшiн ұзақтығы күн­тiзбелiк 56 күн; мектепке де­йiн­гi жә­не қосымша бiлiм беру ұйым­да­рының педагог қыз­мет­керлерi мен оларға теңестiрiлген адамдар үшiн күн­тiзбелiк 42 күн ақы төленетiн жыл сайынғы демалыс алу­дың әлеу­меттiк кепiлдiктерiн ие­ленедi. Қа­зақстан Республикасының «Мем­лекеттік  қызмет ту­ралы»   За­ңына орай, мемлекеттік қызмет­ші­лер­ге  ұзақтығы 30 күнтізбелік күн жыл сайынғы ақылы еңбек дема­лы­сы белгіленген. Сондай-ақ ко­декс­тің 239-бабында  азаматтық қыз­­мет­ші­лерге 30 күнтізбелік күн­нен кем емес көлемде жыл сайынғы ең­бек де­малысын беру көзделген. Жыл са­йынғы ақылы демалыс ке­зін­де еңбек өтілі есепке алынбайды.