Жарақат алған адамды тасымалдағанда нені білген жөн?

Жол-көлік апаты немесе басқа да төтенше оқиғалар кезінде жарақат алған адамды ауруханаға я болмаса қауіпсіз жерге жеткізу керек болады. Сондай кезде жараланушыны тасымалдаудың ережесі бар ма?
Асқар МАМЫРБАЕВ, Ақтөбе облысы
Құтқарушылардың айтуын­ша, оқыс оқиғаға ұшыраған адам­ды тасымалдау қажет бол­­ғанда оның алған жарақат­тарын ескеру маңызды. Егер адам бас, омыртқа және аяқ жа­рақатын алса, оны шалқа­сынан жатқы­зып, тасымалдау қажет. Арқа, бел омыртқасы зақымданып, есінен танған адамды етпетінен жатқызған дұрыс. Зардап шегу­шінің іш құрылысына ашық зақым келсе және жамбас сүйе­гі сынса, оны шалқасынан жат­қызып, тізесін бүктіреді. Жара­қатынан қан кетіп, талып құ­рыс­қан адамды да шалқасынан жатқызып, аяқ жағын жоға­ры­латып, басын төмендеткен аб­зал. Мойын омыртқасы зақым­данған адам­ды жүресінен отыр­ғызып, тасымалдау керек. Зәр шығару, тыныс алу орган­дары мен ішектеріне зақым келген адам­ды да жүресінен отырғызып, тасымалдайды.