Жалпақтабандылықтан арылудың қарапайым әдістері қандай?

Жаңбырлы күндері жүргенде аяқкиімімнің ұшынан су шашырайды. Бұл жалпақтабандылықтың белгісі ме? Одан қалай құтылуға болады?
Ерболат ҚОҚЫМБАЕВ, Алматы облысы
Жалпақтабандылық – табан дөңестерінің төмендеуінен болған табанның жалпаюы. Жалпақ табан сопақша немесе көлденең болуы мүмкін. Табанның бұлай бітуі туа немесе жүре пайда болады. Жалпақтабан­дылықтан дәрігерге қаралмай-ақ емделгіңіз келсе, табиғат аясында дымқыл шөпте, таста жалаң аяқ жүруді әдетке айналды­рыңыз. Жүрісіңізге назар аударыңыз: аяқты қатар қоюға тырысыңыз, ал жүрген кезде табанның сыртына сүйеніңіз. Тағы бір тиімді әдіс – бұл арнайы супинатор ұлтарақтарды қолдану. Мұндай ұлтарақтар табанды қалыпқа келтіреді. Жұқа супинатор ұлтарақ­тарды туфлиге салады. Бұл шаршаған аяқтардың жұмысын біршама жеңілдетеді және жалпақ табанның алғашқы белгілерін жоюға көмектеседі.