Алматыда зағип жандарға арналған кітапхана бар деп естіп едім. Осы жөнінде қысқаша ақпарат берсеңіздер.
Нұрбек, Талдықорған қаласы
Елімізде зағип және нашар көретін азаматтарға арналған кітапханалар жүйесінің тарихы өткен ғасырдың 70-жылдарынан басталады. Дәлірек айтсақ, «Көзі көрмейтін және әлсіз көретін азаматтарға арналған республикалық кітапхана» 1971 жылы 5 ақпанда Қазақ КСР Министрлер Кеңесінің жарлығымен Алматыда құрылған.
Кітапхана қызметкерлері мұнда өздігінен келе алмайтындар үшін, қажет жағдайда олардың үйлерінде болып қызмет көрсетеді. Қазіргі кезде кітапханада бедерлі-нүктелі шрифта мүгедектерге қатысты «Брайль жүйесі» бойынша әртүрлі кітаптар, дыбыстандырылған әдебиеттер, кескінді құралдар, арнайы бейнематериалдар, СД жинақтар қолданылады.
Зағип жандарды әлеуметтік оңалту, психологиялық бейімдеу мақсатында кітапханада «Оңалту кабинеті», «Компьютер класы», «Электрондық қор залы» жұмыс істейді. Компьютер сыныбында зағиптарға арналған арнаулы бағдарламалардың көмегімен зағип оқырмандарға, компьютермен жұмыс істеуге мүмкіндік бар. Зағип және нашар көретін азаматтарға арналған республикалық кітапхана – ТМД елдері арасындағы «DAISY» форматында көзі көрмейтіндерге арнап халықаралық стандарт үлгісі бойынша дыбысталған кітаптарды енгізген алғашқы кітапхана.
Кітапхананың мекенжайы:
050012, Алматы қаласы, Бөгенбай батыр көшесі, 214
Байланыс телефондары: 293-70-80, факс: 389-89-88
e-mail: rbnsg@rambler.ru kitapkhana@mail.ru
веб-сайт: www.blindlib.kz
Зағиптарға арналған кітапхана бар ма?
Последние статьи автора