Халықаралық тілдер тарихы ХVІІ ғасырдан басталады

Қандай тілдер халықаралық тілдер қатарына жатады? Жал­пы, осы халықаралық тілдер тарихы қашаннан басталады?
Бердібай, Семей қаласы
Осыған дейін әлем халық­тары 1000-нан аса халықаралық тіл­дер жобасын әзірлеген. Мә­селен, XVII ғасырдың өзінде Р.Де­карт, Я.А.Коменский, Г.В.Лей­б­ниц және өзгелері халық­ара­лық тілдер теориясын қа­лып­тастырып кетті. Бастапқы ке­зең­де халықаралық тілдер адам ойлау жүйесін жетілдіруге жәрдемдеседі деген пікір белең алды. Бірақ XIX ғасырдағы тал­пыныстардан түк шықпады. Ғалым­дар халықаралық тілдер­дің лексикасы  мен  граммати­калық принциптері осы күнгі ұлт­тық тілдерден алынуы тиіс еке­ніне көз жеткізді. Алайда ол кез­дегі халықаралық тілдер жо­ба­сының ешқайсысы да XIX ға­сырдың соңына дейін байланыс құралына айнала алған жоқ. 1880 жылы неміс католик дін­да­ры И.М.Шлейер волапюк тілінің жо­басын жариялады (volapuk - ағылш. world speak – әлемдік тіл), ол аса танымал болып, әлем­нің бірнеше елдерінен қол­дау тапты. Бірақ тіл аралас ап­риор­лық-апосте­риорлық негізде құ­рылған­дықтан, үйренуге өте қиын болды. Ең ақырында ха­лық­аралық тіл ре­тінде күшті мем­лекеттердің тілдері таң­далып алына бастады. Қазір мұн­дай тілдер сапында ағылшын, ис­пан, орыс, араб, португал, фран­цуз, неміс тілдері бар.