«Узо» деген қандай ішімдік?

Жақында таныстарым «Алматыдағы мейрамханалардың бірінде отырдық, узо іштік» деді. Узо деген не? Ол қандай сусын?
Ғабит, Алматы қаласы
Узо – Грекияда өндірілетін алко­голь­ді ішімдік. Оны абсентпен және француздардың пастисімен тең қойып жатады. Түрік елінде де дәмі осымен бірдей спиртті ішімдік бар, ол ракия деп аталады. 1989 жылы узо гректердің өнімі ретінде бекітілді. Узоның құрамында этил спирті мен түрлі жұпар иісті шөптердің, әсіресе міндетті түрде анис өсімдігінің сы­ғын­дысы болады. Бұл алкогольді сусынның градусы – 40-50 аралы­ғын­да. Мұндай спиртті жүзім айыру өндірісінде де қолданады. Узо – аперетив, яғни тәбетті ашатын және ас қорытуды жақсартатын сусын болып саналады. Сол себепті оны түскі немесе кешкі ас алдында ішеді. Болгарияда мұндай сусын «мастика» деп аталса, Италияда узо тәрізді самбука атты ішімдік бар. Узо сусыны дүниежүзіндегі грек ас мәзірін әзір­лейтін нысандардан міндетті түрде табылады.