Үтіктеудің құпиясы неде?

Әлі күнге шалбарға дұрыс қыр сала алмаймын. Осының не құпиясы бар? Сондай-ақ үтіктегі дақты қалай кетіруге болады?
Бағила, Тараз қаласы
Үтіктей білу де – өнер. Қымбат әрі соңғы үлгідегі киім кимесеңіз де, оның таза әрі өте жинақы бол­ғаны маңызды. Қыржымды киім иесінің де, оның айналасын­да­ғы­лардың да көңіліне қыржым түсі­рері анық.
Қолына үтік тисе қиналып қа­ла­тын жалғыз сіз ғана емес, ондай құр­бы-құрдастарыңыз бен әпке-сің­лі­ле­ріңіз жетерлік. Ал киімд­і дұ­рыс үтік­теудің ең бірінші шарты – үтіктің таза болуы. Он­да­ғы сары дақ бүр­кіген судан қала­тын із болса, сондай-ақ дұрыс үтіктей алма­ғаннан киімнің ізі де болуы мүмкін. Демек, дұрыс үтік­теу үшін алдымен әлгіндей дақ­тан тазарту керек. Оның ең оңай екі тәсілін біз сіз­ге ұсына аламыз: бі­рінші – үтікті салқын күйін­де сірке суы­мен (уксус) сүртуге болады, екін­шісі – ас содасының ерітіндісі.
Ал шалбарға қыр салғанда үстіне сірке суы қосылған матаны қойып үтіктесеңіз, қыр ұзақ сақталады.