Ұлыбритания құрамасы футболда ғана жоқ екен...

Картада Британия аралдары бір мемлекет ретінде көрсетілгенімен, футболда Ұлыбритания құрамына кіретін төрт мемлекет бөлек-бөлек өнер көрсетеді. Басқа спорт түрлерінде бір ту астына бірігетін олар футболда неге енші алып, бөлек кеткен?
Өмір Ауданбайұлы, Маңғыстау облысы
Футболдан Ұлыбритания құрама командасы тек Олимпиада ойындары мен жолдастық кез­де­сулер кезінде бірігеді. Ал Еуропа чемпионаты және әлем біріншілігі сынды дүбірлі додаға олар бірге қатысқан емес. «Ұлыбритания мен Солтүс­тік Ир­лан­дияның Олимпиадалық құра­ма­сы» деп атала­тын ұжым Олимпиада ойында­рының үш мәрте чем­пионы. Ұлыбританияның Олимпиада ком­и­те­ті­не қарайтын құрама 1972 жылға дейін өнер көр­сетті. Ал 1974 жылы Англия футбол қауым­дас­ты­ғының шешімімен тарап кеткен. Бүгінгі күні құ­ра­ма ойыншылары жиналмайды, тиісінше матчтар да өтпейді. Бірақ «келесі жылы Тұманды Альбионда өтетін Олимпиада ойындарына Ұлыбритания бір құ­рама болып қатысады» деп ресми түрде хабар-ла­ды ұйымдастырушылар. Қазіргі таңда Ұлы­бри­танияның атын ірі футбол турнирлерінде Англия, Шотландия, Уэльс және Солтүстік Ирландия құрамалары шығарып жүр. Әрқай­сысы – ФИФА мен УЕФА-ның толыққанды, заңды мүшелері.