Ұлттық психология қаншалықты зерттеліп жүр?

Елімізде Тәуелсіздік алғалы бері ұлттық психология саласы бойынша қазақ тілінде бір ғана кітап шыққан деген пікір айтылып жүр. Шынымен де, солай ма? Осы бағытты зерттеп жүрген ғалымдардың ғылыми еңбектері неге көрінбей жүр?
Айдана НҰРЛАНҚЫЗЫ, Алматы облысы
Қазіргі уақытта ұлттық пси­хо­логия саласын зерттеп, зер­делеп жүрген ғалымдарымыз аз емес. Бүгінде еліміздің көптеген жоғары оқу орындарында атал­ған саланың әр тармағын қам­титын кафедралар мен фа­куль­теттер мен орталықтар жұмыс істейді. Мысалы, бір ғана ҚазҰУ-де бакалавриатта пси­холо­гия мамандығы бойынша қырыққа жуық пән оқытылады. Бұған қоса ұлттық психология түйткілдерін қамтитын бірқатар басылымдар бар. Осыған қа­рап-ақ ұлттық пси­хо­логия мен этнопедагогика сала­сында бір­шама еңбектердің жа­салып жат­қандығын айтуға бо­ла­ды.  Пе­да­гогика және психо­логия ғы­­лымдарының докторы, Қа­зақстанның еңбек сіңірген ғы­лым және техника қай­рат­кері, про­фессор Құбығұл Жа­рық­баев­тың айтуынша, Тәуел­сіз­дік жыл­да­рынан бері елі­міз­де ұлттық пси­хология саласына қатысты   40-тан астам кітап жа­рық көрген. Оның сыртын­да көптеген кандидаттық, док­тор­лық диссертациялар қор­ға­лып, ғылыми басылым­дарда психология маманда­рының еңбек­тері жарияланып келеді.