Үйді қалай бөліседі?

Менің күйеуім бар тапқан табысын далаға жұмсайды. Екі баламды асырау менің мойныма жүктелген. Сондықтан күйеуіммен ажырасуды ойлап жүрмін. Алайда үйді қалай бөлісуді білмеймін. Пәтеріміз екі бөлмелі. «Ажырасуға бірінші арыз берген адам ақша төлейді» дегенді естідім. Осы рас па?
Гүлжан ЕРЖАНҚЫЗЫ, Алматы қаласы

Кез келген адам азаматтық не қылмыстық іс бойынша сотқа шағымданғанда мемлекеттік баж салығын төлейді. Сіздің жағдайыңызда мү­лікті бөлісу үшін алдымен үйдің бағасын қа­зіргі нарықпен есептеп шығарып алу керек. Бол­маса, жылжымайтын мүлікпен айналысатын фир­маларда арнайы «бағалаушылар» болады, со­лардың көмегіне жүгініңіз. Сөйтіп, үй бағасын шы­ғарған соң, сол бағаның 1 пайызын төлей­сіз. Мысалы, ол үй 15 миллион теңге болса, оның 1 пайызы 15 мың теңге болады. Сол соманың жартысын, яғни 7500 теңгені арыз­данушы адам төлейді. Одан кейін талап-арыз­ға сол төленген ақшаның түбіртегінің көшір­месін қоса өткізесіз.
Ал үйді бөлісу мәселесіне келсек, бұл жерде мәселені сот шешеді. Ерлі-зайыптылар некелі кезде бірге сатып алған дүние-мүліктер тең бө­лінуі мүмкін. Дегенмен кәмелетке толмаған пе­рзенттердің жағдайы да ескеріледі.