Үй жануарларын баптау – саясаткерлердің ермегі

Әлемдік саясаткерлердің көпшілігі үй жануарларына әуес деп естіп едім. Нақты қай саясаткерлер екенін жазсаңыздар.
Айнұр Әлімбек, Астана
Иә, әлемге әйгілі саясаткер­лер­дің көпшілігі өздерінің сұх­баттарында негізгі хоббилері ре­тін­де үй жануарларын күтіп, бап­тауды айтқан екен. АҚШ пре­зиденттерінің дені Ақ үйде ит­тер мен мысық асыраған. Бұл ту­ралы Вашингтондағы New­seum ақпараттық мұражай­дағы деректерден білуге бо­ла­ды. Бұл орталыққа бас сұққан адам Авраам Линкольннің до­ңыз­ды, қазды және күркетауық­ты ерекше жақсы көргеніне, Джордж Вашингтонның Нель­сон атты сүйікті жылқысы, Джон Адамстың қолтырауыны бол­ға­нына көз жеткізеді. Сондай-ақ Кальвин Кулидж президент бо­лып сайланғаннан кейін Ақ үй­дің ішінен бегемотына жайлы бөл­ме іздеп аласұрыпты. Үлкен Буш­тың жары Барбараның «Мил­ли кітабы» атты өзінің иті туралы кітабы бестселлерге айналған. Кіші Буш та Спот атты төрт аяқты сенімді серігімен 15 жыл жұбы жазылмай өмір сүр­ді. Францияның қазіргі Прези­денті Николия Саркозидің  Клару, Дамблдора және Туми ат­ты үш иті бар. Молдованың бұ­рынғы президенті Владимир Воро­нин Владимир Путинге экзоти­калық тосын сый жасап, оның 50 жылдығына арнайы ке­ліп қолтырауын тарту еткен.