Уақытша жұмыс істегенде сауықтыру ақысы төлене ме?

Мемлекеттік мекемеге бала күтуде отырған қызметкердің орнына өткен жылдың қазан айында басқа қызметкер уақытша жұмысқа кірді. Осы қызметкерге кезекті еңбек демалысы мен сауықтыру ақысы тиесілі ме? Уақытша қызметкер тарифте көрсетілмеген, яғни сауықтыру ақысы қаралмаған. Қай заңға сүйенуге болады?
Гүлмира, Жамбыл облысы
Сарапшы маманның мәліметінше, ҚР Ең­бек кодекстің 105-бабына сәйкес, қыз­мет­кер­ге жұмыс iстеген бiрiншi және келесi жылдары үшiн жыл сайынғы ақылы еңбек демалысы та­рап­тардың келiсiмi бойынша жұмыс жылының кез келген уақытында берiледi. Кодекстің 106-бабына сәйкес, жұмыс жылы қыз­мет­кердiң бiрiншi жұмыс күнiнен бастап есеп­­телген 12 айды құрайды.
Кодекстің 104-бабына сәйкес, жыл сайын­ғы ақылы еңбек демалысына құқық беретiн жұмыс өтіліне:
1) нақты жұмыс iстелген уақыт;
2) қызметкер нақты жұмыс iстемеген, бiрақ оның жұмыс орны (лауазымы) мен жалақысы толық немесе iшiнара сақталған уақыт;
3) қызметкер еңбекке уақытша жарам­сыз­ды­ғына, оның iшiнде жүктiлiгiне және бо­са­нуы­на орай демалыста болған уақытына бай­ланысты нақты жұмыс iстемеген уақыт;
4) қызметкер жұмысына қайта алыну ал­дын­да нақты жұмыс iстемеген уақыт қосылады.
Сонымен бірге Кодекстің 107-бабына сәй­кес, қызметкерлерге жыл сайынғы ақылы ең­бек демалысын берудiң кезектiлiгi жұмыс берушi қызметкерлердiң пiкiрiн ескере отырып бекiтетiн демалыс кестесiнде белгiленедi не тараптардың келiсiмiмен белгiленедi.
Кодекстің 239-бабына сәйкес, мемлекеттiк бюджет есебiнен ұсталатын азаматтық қыз­мет­шi­лерге жыл сайынғы ақылы еңбек демалысы лауазымдық жалақысы мөлшерiнде сауық­ты­ру­ға арналған жәрдемақы төлене отырып бе­рi­ледi. Азаматтық қызметшiлерге сауықтыруға а­р­налған жәрдемақы күнтiзбелiк жылда бiр рет төленедi. Яғни қызметкерге сауықтыруға арнал­ған жәрдемақы еңбек демалысының ұзақ­ты­ғына қарамастан, толық мөлшерде төленуі тиіс.