Тышқандар қандай ауру таратады?

Кеміргіштерден жұғатын аурулар туралы білгім келеді. Алматыда күз кезінде егеуқұйрықтардың көбейетіні бар. Оларды дер кезінде уламаса, қандай аурулар тарауы мүмкін?
Асланбек ОРАЗБАЕВ, Алматы қаласы
Санитар-эпидемиологтердің мәліметінше, биыл кеміргіштерден жұғатын иерсиниоз ауруы өткен жылға қарағанда, 1,6 есеге артып отыр. Иерсиниоз – ішек-қарын жо­лын, буындарды, тері мен бас­қа да органдарды зақымдайтын жұқ­палы ауру. Ол кеміргіштер лас­таған азық-түлік пен жеміс-жи­декті, көкөністі тұтынғаннан бо­ла­ды. Ауру жұқтырған адам әуелі қалтырап тоңады, басы ауы­ра­ды, әлсірейді, буындары мен бұл­шық еттері талады, ұйқысы қаша­ды, тамағы қышып, тәбеті жо­ға­лады, қызуы көтеріледі, құсады. Алматы қаласы санитар­лық-эпи­демио­логиялық сарап­тама орта­лығы зертханасы ма­ман­дарының мәлі­метінше, қала аума­ғындағы ке­мір­гіштердің 2,7%-ы иерсиниоз жұқтырған.