Туризмнің түр-түрі бар

Қазіргі уақытта дүниежүзі бойынша эвтаназияны заңдастырған ел­дерге туристер көп барады деп естідім. Қатерлі аурулардан біржола арылу үшін өлімге бас тігіп, туристердің сондай елдерге баратыны рас па?
Мөлдір, Алматы қаласы
Эвтаназияны қылмыс қатарынан алып тастауды қолдайтын қоғамдық қоз­ғалыстар әлемде туризмнің осы түрінің дамуына жол ашқан. Суицидтік немесе эвтаназиялық туризм науқастар өмірін қол­дан тоқтату тәжірибесі заң­дас­­ты­рылған елдерде дамып отыр. Эвта­назия­ны заңдастырған елдер: Нидерланды, Бельгия, Люксембург, Швей­цария және АҚШ-тың Орегон штаты. Швей­ца­рияның Цюрих кан­то­нына дүниежүзінен жыл сайын жүздеген турист келіп, кейін қайт­­пай қалады. 2010 жылы Цюрих көлі­нен адам күлі салын­ған ыдыстардың табы­луы тұр­ғын­дардың наразылығын туғызды. Деген­мен халықтың көбі эвтаназияға тыйым салу­ды қолдамаған. Мексикада мұндай тәжірибе қылмыс деп саналады, бірақ бұл елде жануарларды өлтіруге қажет дәрі ашық сатылады. Туристер мұн­да сол пентобарбитал препаратын алу үшін көп келеді екен. (Жауап «Уикипедия» мате­риа­лы бойынша әзірленді).