Ту ұстаушылар

Лондондағы Олимпиада ойындарында қазақтың көк байрағын асыл текті алып ұлдардың жалғасы іспетті көрінетін Нұрмахан Тінәлиевтің көтеріп шы­ға­ты­нына қатты қуаныштымын. Олимпиада ойындарының ашылу салтанатына бар­ша әлем көз тігеді емес пе? Әлемдік спортшылардың төбе көрсететін жері. Ме­нің білгім келетіні, Роджер Федерер Швейцария туын көтеріп шығудан неге бас тартты екен?
Бекзат АЛТАЕВ, Оңтүстік Қазақстан облысы
Жалпы, Лондондағы Олимпиада ойын­дарында өз елдерінің туын ұстап шығу бақытын иеленген теннисшілер өте көп екен. Мәселен, Польшаның байрағын Аг­неш­ка Радваньская, Сербияның туын Но­вак Джо­кович, Ресей байрағын Ма­рия Ша­ра­п­ова, Румыния туын Хориа Текау, Беларусь байрағын Максим Мир­ный, Лих­тейн­штейн туын Стефани Фогт, Кипр байрағын Маркос Багдатис көтеріп шықты. Осыған дейін Испанияның туын көтеріп шығу міндеті тағы бір әлемдік теннисші Рафаэль На­дальға жүктелген еді. Алайда ол жара­қа­тына бай­ланысты Лон­дон Олим­пиа­да­сына қатыс­пайтынын айтты. Ал Швейцария туын Афины және Бей­жің Олим­пиа­да­ла­рында желбіретіп шық­қан даңқты теннисші Род­жер Фе­де­рер бұл жолы өз еркімен ту ұстау мін­де­ті­нен бас тартқан. Оның ойынша, өзінен бас­қа жас спортшыларға байрақты биік көтеріп шығу бақыты бұйырғаны дұрыс екен. Ал Швейцарияның Олимпиада ко­ми­теті Феде­рердің орнына оның ізбасары Станислас Вавринканы ту ұстап шығады деп жариялады.
Олимпиада қожайыны Ұлы­бри­та­ния­ның байрағы төрт дүркін Олимпиада чем­пионы, велотрекші Крис Хойға сеніп тап­сы­рылды. Қытайдың туын баскетболшы И Цзяньлянь көтеріп шықса, Американың ту ұстаушысы болып семсерлесуден екі дүркін Олимпиада чемпионы Мариэль Загунис тағайындалды. Көршіміз Өзбек­станның байрағын боксшы Елшод Расулов Олим­пиа­даның ашылу салтанатында жел­біретіп жүреді.