Торғайды ток ұрмай ма?

Тылсым сырдың барлығы табиғатта жатқан сияқты ғой. Мысалы, мен бір нәрсеге таңғалам: адамның зәресі ұшатын ток сымына торғайлар, жалпы, құстар қорықпай-ақ қонақтайды ғой. Соларды ток тартпай ма сонда?
Әлима Бекенова, Алматы
Адамға ажал төндіру үшін небары 8 миллиампер токтың өзі жеткілікті екен. Олай болса, құйтақандай ғана құстардың электр өткізгіш сымға ер­кін қонатыны қалай? Осындай сұрақ­тың, расында, айналасына бей-жай қара­майтын кез келген адамды қызық­ты­ратыны сөзсіз.
Сөйтсек, мұның сыры мынада болса керек: біріншіден, олар әуелі сымға қос тырнағымен қонақтайды екен де, сол арқылы Ом заңы бойынша бойынан тоқты өткізеді екен. Бұл жердегі құпия құс пен өткізгіш арасындағы қар­сыласу металл мен өткізгіш ара­сын­дағы қарсыласудан әлдеқайда төмен­дігінде жатса керек. Алайда бұл жерде бір қызығы, егер сымға қонақтарда құс табаны сәл мүлт кетсе, яғни екі ады­мының арасын әдеттегіден тыс ашып жіберсе, байғұс құс сеспей қатады екен. Демек, кішкентай құстарға қарағанда, денесі ірі құстарға электр сымдарынан қауіп жоғары деген сөз.