Тоқымдай жер үшін талас көп

Әлемде қожайыны әлі анықталмаған, талас тудырушы террито­риялар көп пе?
Нұржан Әділов, Алматы

Нақ қожайыны анықтал­май жер дауын туғызып жүр­ген аймақтар өте көп. Бүгінде Мавритания мен Марокко мем­­лекеттері Батыс Сахара ай­мағы үшін таласып жүр. Франция Майоте аралы үшін Комор Аралдары Федератив­тік Ислам Республикасымен жан­­­жалдасуда. Ал Британия мен Аргентина мемлекеттері Фол­к­­ленд аралдарының қо­жайы­нын анықтай алмай сот­тасуда.
Эстония мен Латвия мем­ле­кеттерінің арасында Нарва, Пе­чорск өзендерінің жағалауын иеленуге бәсеке бар. Атышулы Палестина маңындағы жанжал­дардың төркіні де осы жер дауы. Жуырда Германия парла­менттері Калининград елді ме­ке­нінің бір кездері өздерінікі болғандығын еске түсіріпті. Соңғы кездері Ресей мен Жапо­ния арасында Куриль аралдары үшін үлкен айтыс жүріп жатыр. Кавказ маңы да бүгінгі геосаясаттағы үлкен дау­лардың себепкеріне ай­нал­ды. Каспий теңізі де әлі анық бөлінбеген даулы аймақ болып саналады. Мұзы еріп, ас­тынан қара жер көріне бастаған Арк­тика аймағы болашақта Ресей, Канада, Ам­ерика, Дания, Норвегия, Исландия, Британия секілді алпауыт мемлекет­тердің арасындағы үлкен дауға түрткі болайын деп тұр. Ең ақыры, адам баласына тұрақ бола алмайтын Ан­тарктида құрлығы үшін де Австралия, Аргентина, Жаңа Зе­лан­дия, Чили, Ре­сей мемлекеттері жа­ғадан алысуда.