«Тепеңкөк» би ме, әлде күй ме?

«Тепеңкөк» деген атау қазақтың би өнерінде де, күй өнерінде де айтылып жатады. Жалпы, «Тепеңкөк» би ме, әлде күй ме?
Жазира, Шығыс Қазақстан облысы
Энциклопедиялық анық­та­ма­ларға сүйенсек, «Садақ биі» деген атауға ие қазақ биі «Те­пең­көк» деген атауға да ие бо­лып жүр. Ол халық күйінің сүйе­мел­деуімен орындалады. Му­зыка­лық өлшемі – 6/8 және 9/8. 1934 жылы Е.Г.Бру­си­­ловскийдің «Қыз Жібек» опе­расында (ба­лет­мейс­тер – А.А.Ал­ек­сандров) қойыл­ды. Би жігіт­тер­дің ат жа­ры­сын, садақ тартуын­дағы мер­гендігін, қылыш сайысындағы ептілігі мен шеберлігін, сон­дай-ақ төзімді­лігін бейне­лей­ді. «Қыз Жібек» опе­расының жаңа спек­таклінде (1954, 1984) жә­не «Әнші ауыл» көр­кем филь­мінде бидің ба­лет­мейстер Д.Әбі­ров қойған нұс­қалары орын­далды. Көркем­­өнер­паздар ұжымының репер­туа­рында «Тепеңкөк» биінің бас­қа да нұс­қалары бар.