Теңіздегі мұнай өндірісіне қатысты қандай экологиялық талаптар бар?

Каспий теңізінде мұнай өндіруші компаниялар жұмыс істеп жатқаны белгілі. Қоршаған ортаны қорғау министрлігі тарапынан олардың қызметіне қатысты ережелер мен айрықша нормалар бар ма?
Айнұр Темірғалиева, Қызылорда облысы
Каспий теңізіндегі жұ­мыс­тарға арналған ерекше ере­же­лер ҚР Экологиялық кодексіндегі жеке тарауда ұсы­нылған. 38-тарау «Кас­пий теңізінің солтүстік бө­­лі­гін­дегі мемлекеттік қо­рық­тық аймақтағы шаруашылық жә­не өзге қызметті жүзеге асыру ке­зіндегі экологиялық та­лап­тар» деп аталады. Теңіз кен орын­дарын игеру барысында қоршаған ортаға залал ке­л­тір­меу, залалдың алдын алу ша­ралары жобалау саты­сы­ның өзінде іске асырылады. Бұдан кейін мемлекеттік эколо­гия­лық бақылауды жүргізу ба­ры­сында жобалық шешімдер мен та­би­ғатты қорғау заң­на­ма­сының та­лаптары орын­да­ла­ды. Каспий теңізінде мұ­най-газ опе­ра­ция­ларын қауіп­сіз жүргізуге ба­ғыт­тал­ған заң жобасы ҚР Пар­ла­менті Мәжілісінің табиғатты қор­­ғау жөніндегі комитетінің жұмыс тобымен қаралған.