Тележұлдыздарымыздың табысы қанша?

Шетелдік немесе ресейлік тележүргізушілердің табысы көп дейді. Ал біздегі телевизия жұлдыздары қанша алады?
Жомарт, Алматы қаласы
Расында да, әлемге әйгілі америкалық те­ле­жүргізуші һәм қоғам қайраткері Опра Уин­фри бір жылдың ішінде 165 млн доллар таба­ды. Ал ТМД кеңістігіндегі тележүргізушілер өз табысын жариялауға онша құмартпайды. Әйт­се де кімнің қанша алатыны жайындағы сыпсың сөз тез жайылады. Мәселен, «Останкино» те­леорталығында. «Бірінші арнадағы» «Пусть го­ворят» бағдарламасын жүргізетін Андрей Малаховтың айлығы 25-30 мың доллар көле­мінде. Оған таңғалуға да болмайтын шығар. Қазір түрлі телеарнадағы шоу-бағдарлама­лар­дың ішінде «қолы жүріп» тұрғаны – осы. Ре­сей телевизиясының тағы бір жұлдызы Вла­димир Познерге төленетін жалақы да 30 мың доллардың айналасында. Ал пәленбай жыл­дан бері «Поле чудестен» түспей жүрген Лео­нид Якубович айына 15 000 доллар алады. Кезінде ең өтімдісі Ксения Собчак еді. Ол бір­неше телеарнадағы бірнеше бағдарламаны қатар жүргізетін. Сондықтан оның табысын тап басып айту қиын. Бірақ оның пәтерінде тін­ту жүргізілгенде, 1 млн евро, 480 мың дол­лар, 480 мыңдай рубль табылғанына қара­ған­да, Ксенияның табысы жаман болмағанға ұқсайды. Ал біздің тележүргізушілердің қан­ша алатыны да – коммерциялық құпия. Деген­мен олардың табысы ресейлік жұлдыздардың «ставкасымен» салыстыруға да келмейді. Шоу-бағдарламаларды жүргізетіндердің ала­тыны ары кетсе 1000 доллардан аспайды деседі.