Текті құс қай өңірлерді мекендейді?

Ақ сұңқар құсы туралы білгім келеді. Бұл құстың сұңқардың өзге түрлерінен не айырмашылығы бар? Ақ сұңқар еліміздің қай өңірлерін мекендейді?
Жалғас Марат, Оңтүстік Қазақстан облысы
«Жетісу» энциклопедиясының мәліметінше, ақ сұңқар – сұңқар тұқымдас жыртқыш құс. Оның сұңқар тұқымдас өзге құстардан айыр­ма­­шылығы – денесінің айрықша ірілігі. Ақ сұң­қар ұясын биік ағаштың басына немесе жар­тас­тың ернеуіне салады. Негізінен, өзен аң­­ғар­лары мен тау бөктерлерін мекендейді. Ұя­басарының қанаты – 38-42 см-ге жетеді, сал­мағы 2 келі болады, ал аталық ақ сұңқар кі­шілеу келеді, қанатының ұзындығы – 34-37 см, салмағы 1 келі ғана тартады. Құстың ар­қасы көкшіл сұр немесе шұбар, бауыры ақшыл не­месе шымқай ақ болып келеді. Арктика мен Солтүстік Америка аймағында тіршілік ететін ақ сұңқарға еліміздің аумағы тұрақты мекен емес. Ақмола, Шығыс Қазақстан облыстары аумағы мен Алматы маңында ғана 12 жыл ішінде екі рет қыстайды. Алматы хайуанаттар бағында бұл құстың үшеуі бар. «Ақ сұңқар неге қонбайсың жайған торға» деп халқымыз әнге қос­қан бұл текті құстың табиғаты толық зерт­тел­меген. Қызыл кітапқа енген жыртқыш­тың азаю себептері анықталмаған, қорғау ша­ра­лары да белгіленбеген.