Тәлібтер Ауғанстандағы тарихи жәдігерлерді тауысты

Ауғанстанда бір кездері тарихи жәдігерлер мен ескерткіштер көп болған деп айтылады. Олар қазір сақталып қалған ба?
Айнагүл СЕРІКҚЫЗЫ, Тараз
Ауғанстан көптеген мәдениеттердің дәл ор­тасында орналасқан, онда түрлі көне тарихи ескерткіштер болғаны рас. Алайда олардың басым көпшілігі соңғы 10-20 жыл ішінде түрлі радикалды діни топтардың қолымен қиратуға ұшырады. Атап айтқанда Ауғанстан территориясында ІІ-V ғасырлар­да тұрғызылған Будданың қос алып мүсін­дері бар еді. 2001 жылы діни-экстремистік «Та­ли­бан» қозғалысының өкілдері бұл қос жә­д­і­герді жарып жіберді. Сондай-ақ ел ау­ма­ғындағы көптеген көне архитектуралы ғи­ма­раттар, бейіттер қиратылған. Радикал­ды ді­ни күштердің айтуынша, бұл жәді­гер­лер Ал­лаға серік қосу немесе пұтқа та­бы­ну­шылық болып табылады. Дегенмен қазіргі кез­де Кандагар, Газни, Балх қалаларында сақталып қалған жәдігерлер бар. Ал Хари өзе­нінің бойында XII ғасырдан қалған Джам мұнарасы сақталып қалды.