Таэквондоның ережесі өзгерді

Таэквондоның ережесі біраз өзгеріпті деп естідім. Бізге әлі жеткен жоқ, соған тоқтала кетпес пе екенсіздер?
Ләззат Қибасова, Атырау облысы
Бұл сұрақтың жауабын білу үшін Қазақстан жастар құрамасының аға бапкері Қайрат Қырғызбаев­пен жолы­ғып, төмендегідей жауап алдық:
– Бейжің Олимпиадасынан кейін жалғыз таэквондода ғана ем­ес, бірнеше спорт түрлерінің өткі­зі­­лу ережелеріне өзгертулер ен­гізілді. Бұл үрдістен біздің WTF халықаралық таэквондо феде­ра­циясы да қалыс қалмады. 2008 жыл­­ғы 15 желтоқсанда Түркияның Ан­ка­ра қаласында өткен алқа мәжі­лісінде жаңа ереженің алғашқы бағ­дарламалары қабылданды. Бір­ақ әлі қолданысқа ен­ген жоқ. Жаңа ережелер алғаш рет шілде ай­ын­дағы әлем чемпионатында қол­да­нылмақ. Бізге жіберілген құлақ­тан­дыруда мынандай жайттар көр­­се­тілген. Жек­пе-жек өтетін даян 10х10 метрден 8х8 метрге дейін кіші­рейтілді. Яғни екі спортшының көп шегіншектемеуі, қашып, жүріп алмауы үшін қолда­нылып отырған шара. Одан кейін бұрын жалпы саны жеті ұпай берілсе, қазір 12-ге дейін ұлғайды. Қорғаныс құралына аяқпен немесе қолмен соққы жасаса, бір ұпай берілетін болды. Бұр­ын берілмеген. Әдіс қолданып тебе­тін болса, бұрынғы бір балдың ор­нына, енді екі балл беріледі. Бас­қа аяқпен соққы жасалса, үш балл беріледі (бұрын екі балл бері­летін). Сондай-ақ тәртіп (ере­же) бұзған спортшының ай­ып ретінде екі ұпайы алынып тасталады да, қарсыласына бір ұпай беріледі. Бұрын мұндай болмаған. Сондай-ақ барлық жекпе-жектер бейнетаспа­ға түсіріледі. Төрешілер қателік жібер­се немесе әділетті болмаса, бей­не­таспаны көру арқылы нақты ше­шім шығарылады.