Сынақ мерзімі бітпей, жұмыстан шығару заңды ма?

Мені бір жеке кәсіпорынға үш ай сынақ мерзімімен жұмысқа алған бола­тын. Алайда арада бір ай өтпестен, «сынақтан өте алмадың» деп жұмыстан босатып жіберді. Еңбек келісімшарты үш айға жасалған болатын. Жұмыс берушінің еңбек шартының мерзімі бітпей жатып, мені жұмыстан шығарып жіберуі заңды ма?
Сабыр Дәрменов, Атырау облысы
Сарапшы мамандардың мәліметін­ше, сынақ мерзімі кезінде жұмыс нә­ти­жесі дұ­рыс болмаған кезде қызмет­кермен ең­бек шар­тын жұмыс берушінің бастамасы бо­йын­­ша бұзу­дың не­гіз­демесі ҚР Еңбек ко­дексінің (бұдан әрі – кодекс) 54-бабы­ның 1-тарма­ғы­ның 5-тармақшасын­да көз­дел­ген.
Бұл ретте кодекстің 37-бабының 1-тар­мағына сәйкес, сынақ мерзімі ке­зе­ңінде қызметкердің жұмысы теріс нәтиже берсе, жұмыс беруші сынақ мерзімі аяқталуына күнтізбелік жеті күн қалғаннан бастап қызметкерге жазбаша түрде ескертуге тиіс екенін атап өткен жөн.