Сығандардың өз туы бар

Елі жоқ, жері жоқ, әлем кезіп көшіп-қонған сығандардың өз туы бар деседі. Сол рас па?
Дидар Ермекбай, Талдықорған
Иә, төл мемлекеті жоқ сыған жұр­тының өз туы бар. 1971 жылы Лондонда өткен Бірінші бүкіләлемдік сыған конгресінде сығандардың төл туы қабылданған. Сыған туы екі жолақпен – жоғары жағы көк түспен, төменгі жа­ғы жасыл түспен көмкерілген. Тудың ор­таңғы бөлігінде қызыл дөңгелек не­ме­се ғылым тілімен айтқанда, сыған­дар­дың үнді-арийден тарағанын білді­ре­­тін дхармачакра бейнеленген. Дхар­ма­чакраға ұқсас нәрсе Үндістан туында да бар екен. Бұл элементтер сыған қа­уы­мының өмір бойы рухани жағынан жолда жүретінін білдірсе керек. Шыны керек, әлемдегі сығандардың бәрі бір­дей, әсіресе шығыс еуропалық  сыған жұр­ты бұл туды мақұлдап отыр деу қиын. Мысалы, 1992 жылы Ригада өт­кен сыған кон­гре­сінде қызыл дөңге­лек­тің орнына жыл­қы­ның басын бейнелеу ке­рек деген ұсы­ныс жасалған.