Суперэтнос деген не?

Осы саяси әдебиетте жиі айтылатын суперэтнос деген не? Суперэтносқа қай этнос жатады?
Марал АҚБОЛАТОВА, Орал
Суперэтнос – (лат. super – үстінде, грек. еthnos – халық) – метаэтникалық қауым, по­ли­этникалық қоғамдарда мәдени-тарихи, эт­нографиялық ұқсастықтары, сол қауым­ның шығу ортақтығы негізінде пайда бо­ла­ды.
Негізі, «суперэтнос» ұғымын атақты ға­лым Лев Гумилев өзінің этногенездің пас­сио­нарлық теориясында енгізіп, қолданған. Оның пайымынша, суперэтнос – ортақ ланд­шафта қалыптасқан, өзара тығыз бай­ла­нысты бірнеше этнос кіретін этникалық жүйе, этникалық иерархияның жоғары зве­но­сы. Лев Гумилевтің тұжырымы бойын­ша, тарихта византиялық суперэтнос, мұ­сыл­ман суперэтносы, христиан супер­эт­носы, славян суперэтносы болған. Қазіргі әлем­­де он шақ­ты суперэтнос бар, мәселен, Батыс Еуро­па­ның бөлігі, Қытай, Үндістан, Ресей, мұсыл­ман әлемі. Америка халқын да суперэтносқа жатқызуға болады. Жалпы, «суперэтнос» ұғы­мына қатысты сая­сат­танушылар мен қо­ғам­­танушылар арасында ор­тақ пікір жоқ.