«Субэтностарға» кімдер жатады?

«Субэтнос» деген термин көп айтылады. Субэтнос деген не және оған кімдер жатады?
Бағдат Әуелханов, Алматы
«Субэтнос» терминін Л.Н.Гумилев этноге­нез­дің пассионарлық теориясында енгізді. Субэтнос – [лат. sub – астында, грек, ethnos – халық] этникалық топ, мәдени-тұр­мыс­тық, тілдік тұрғыдан диалектикалық ерек­шелігі бар этностың бір бөлігі. Субэтнос ша­ғын аумақта орналасады. Кон­со­лидация нә­тижесінде субэтнос эт­ностың негізгі бө­лігімен бірігуі мүмкін. Суб­этнос тілдік, мә­де­ни, өзін-өзі сезіну тұр­ғысынан ерек­ше­ленеді. Мұндай этнос мү­шелерінің эт­никалық санасына қо­сақталушылық тән: бір жағынан этносқа, екін­ші жағынан суб­эт­носқа жататындығын сезіну. Субэтностар эт­никалық, діни, әлеу­меттік айыр­ма­шы­лықтар негізінде түзілуі мүм­кін. Ғылымда эт­нотеррито­риялық жа­ғы­нан қалыптасқан по­ходчандар, ка­рель­дер, тувалықтар ішін­дегі тоджиндер, әлеу­меттік ерекшеліктеріне бай­ланысты пайда бол­ған тептярлар, діни негізде құрылған латгальдіктер субэт­нос­тарға жатқызылған. Жалпы, субэтностар ретін­де казактар, по­мор­лар, старообряд­тық­тар аталады.