Сөз бостандығы бойынша әлемдік рейтинг жарияланды

Америкалық дипломаттар Қырғызстандағы баспасөз бостандығы әлемдік өте жоғары деңгейде дегенді жиі айтады. Әлемдік рейтинг бойынша олар қаншасыншы орында?
Алмат, Астана
Жуырда ғана америкалық Freedom House ұйы­мы әлем елдерінің баспасөздеріндегі сөз бос­тан­дығын анықтайтын зерттеуінің қорытын­ды­сын жариялаған болатын. Қырғызстан сол зерт­теу­дегі 197 елдің арасында  «сөз бостандығы жоқ» елдердің қатарында тұр. Посткеңестік ел­дер­ден Латвия, Литва және Эстония елдерінің БАҚ өкілдері «билікке тәуелсіз» категорясына ен­се, Грузия, Украина және Молдова «жартылай тә­уел­сіз» статусына ие болды. Ресей – 172 орын­да. Ал әлемдік деңгейдегі сөз бостандығы бар ел­дердің қатарына жылдағыдай Финляндия, Нор­вегия, Швеция, Бельгия, Дания, Люксембург, Ни­­дерланды, Швейцария, Андорра және Исл­ан­дия елдері енді. Бұл тізімде Германия 16-ыншы, АҚШ – 22, Ұлыбритания 31-орында тұр. Ал сөз бос­тандығы мүлде жоқ елдердің қатарына Иран, Бе­лоруссия, Түрікменстан, Солтүстік Корея елдері жат­қызылды. «Араб көктемі» төңкерісінен кейін Таяу Шығыс және бірқатар араб елдерінің аталған мә­селеге қатысты рейтингі жоғарылаған. Сарап­шы­лар америкалық ұйымның зерттеуінің объек­тив­­тілігіне күмән келтіреді. Себебі онда батыстық саясатқа бағыт бұрған елдерге жағымды, ал ке­рі­сінше, саяси көзқарас түйіспейтін елдерге жа­ғым­сыз баға беріледі.