Сілкіністі неге MSK-64 шкаласымен өлшейміз?

Жер сілкінісін қандай бірлікпен, қандай шкаламен өлшейді? Әлсіз сілкініс деген қанша балл, қуатты тербеліс деген қанша балл?
Нұрболсын Аққазы, Алматы қаласы
«Сейсмология институты» ЖШС маман­дарының мәліметінше, жер сілкінісін өлшеу­дің бірнеше шкаласы бар. Олар бір-бірінен детальды және басқалай өзгешеліктермен ерекшеленеді. Бізге Меркалли, Медведев, Росси-Форель, Рихтер, MSK-64 шкалалары белгілі. Посткеңестік кеңістік көлемінде зіл­за­ланы MSK-64 шкаласымен өлшеу тәжіри­бесі бекітілген. 12 балдық MSK-64 шкаласы – сейсмикалық дүмпулерді өлшеудің мей­лінше дәлдікке ие халықаралық еуропалық өлшем жүйесі. Жер сілкінісі шартты түрде 1-4 балл – әлсіз, 5-7 балл – күшті және 8 бал­дан жоғары жойқын деп жіктеледі. Балл – жерасты дүмпулерінің жер қыртысында көрінуін сипаттайтын шартты өлшем бірлігі немесе жер бетіндегі топырақтың сілкіну жітілігін білдіретін бірлік.