Шикізат тасымалы арзандамақ

Кеден одағына енгеннен кейін РФ арқылы сыртқа тасымалдайтын мұнайымыз Ресейдің ішкі тарифі бойынша есептеледі дейді. Бұл бізге қаншалықты тиімді?
Ерзат Құрманғазин, студент
Нақтырақ айтқанда, Ресейдің тариф жө­нін­дегі федералдық қызмет басқар­ма­сы­ның шешіміне сәйкес, «Транснефть» АК» ААҚ магистралдық құбыр желі­сінің жү­йесі бойынша Қазақстан мұнайын тасы­мал­­дау қызметінің құны 2012 жыл­дың 1 қаң­тарынан бастап ресейлік компа­ния­лар үшін белгіленген тарифке сәй­кес­тен­ді­ріледі. Демек, біз үшін бұрынғыға қа­рағанда шикізатты сыртқы на­рық­қа та­сы­малдау қызметі әлдеқайда арзанға түседі.
Алдында Бірыңғай экономикалық ке­ңіс­тік құру бойынша іс-қимыл жоспарын жүзеге асыру мақсатында 2010 жылдың 9 желтоқ­санында ЕурАзЭҚ мем­лекетаралық кеңесінің шешімімен 2012 жылдың 1 қаң­тарынан бас­тап өз кү­ші­не енетін Қазақ­стан, Ресей және Бе­ло­рус­сияның ортақ мұнай және мұнай өн­ім­дері нарығын ұйым­дастыру, басқару жә­не дамыту тәртібі туралы келісімге қол қо­йылған-тұғын. Бұл келісімге сәйкес, тасы­мал қызметін көрсететін елдің ішкі компания­ларына белгіленетін тариф Кеден одағы мемлекеттері үшін ортақ болып саналады.