Шерағаңның туындылары сахналанған ба?

Шерхан Мұртазаның қандай драмалық шығармалары бар? Олардың қайсысы сахналанған? Тағы білгім келгені, ол кісі аударма саласында еңбек еткен бе? 
Айбар ЖАҚСЫБЕК, студент
Драматургия саласында жазушының «Қызыл жебе» (1987, Қ.Ысқақовпен бірге), «Сталинге хат» (1988), сондай-ақ «Бесеудің хаты» (1989) атты пьесалары еліміздің  театр­ларында сахналанған. 
Аударма саласында Шерхан Мұртаза  Г.Х.Андерсеннің әңгімелерін, венгр халық ерте­гілерін, Ш.Айтматовтың «Ботагөз», «Қош бол, Гүлсары», «Теңіз жағалай жүгір­ген тар­ғыл төбет» повестерін, «Боранды бе­кет», «Жан пида» романдарын қазақ тілі­не аудар­ды.
Шерхан Мұртаза шығармашылық жұ­мыс­тармен қатар, Қазақстан Республикасы Тәуелсіздігі мен мемлекеттігін нығайту ісіне де белсене араласты. Қазіргі заманның, қо­ғамдық өмірдің маңызды мәселелерін, ел, жер, тіл мәселелерін көтеретін көптеген ма­қала-эссе жазды. Осындай еңбектерінің бар­лығы ескеріліп, Шерағаңа  1984 жылы – ҚР еңбек сіңірген мәдениет қызметкері, 1992 жылы – Қазақстанның халық жазу­шысы, ал 1999 жылы «Құрмет белгісі» беріл­ді.
Бүгінде Шерағаң – өзі туып-өскен Жам­был облысы Тараз қаласының және елорда­мыз Астананың  құрметті азаматы.